 |
a patriotic song by madam noor jehan
poet: tanvir naqvi
ra.ng laa'ye gaa shaheedo.n ka lahuu (2)
yeh lahuu surkhii hai, aazaadii kay afsaanay kii
yeh shafaq ra.ng lahuu
ra.ng laa'ye gaa shaheedo.n ka lahuu
jis kay har qartary mei.n khursheed ka'ii
jis kii har buu.nd mein ek subhe na'ii
duur jis subhe darakhsaan se, andheraa ho gaa
raat ka.t jaa'ye gii, gul ra.ng, saweraa hogaa
ra.ng laa'ye gaa shaheedon ka lahuu (2)
apnii raftaar ko, ab aur zaraa tez karo
apnay jazbaat ko, kuchh aur januu.n-khez karo (2)
ek do gaam pe ab manzil-e- aazaadi hai
aag aur khuu.n kay udhar, amn kii aabaadii hai
khuud ba-khuud tuuT ke girtii nahii.n, zanjiir
kabhii
badlii jaatii hai, badalti nahii.n, taqdiir kabhii
ra.ng laa'ye gaa shaheedo.n ka lahuu (2)
jis kay har qatray mein khursheed ka'ii
jis kii har buu.nd mein ek subhe na'ii
duur jis subhe darakhsaan se, andheraa ho gaa
raat ka.t jaaye gii, gul ra.ng, saweraa hogaa
ra.ng laa'ye gaa shaheedon ka lahuu
yeh lahuu surkhii hai, aazaadii kay afsaanay kii
yeh shafaq ra.ng lahuu
ra.ng laa'ye gaa shaheedo.n ka lahuu
Tags : patriotic noorjehan |
